3M DBI-SALA EZ-Stop AJ512Y/0 User Instructions page 135

4.4 FESTING STÖÐUBÚNAÐAR DRAGREIPISINS: Á skýringarmynd 12 má sjá festingar stöðubúnaðar dragreipisins.
Stöðubúnaður dragreipisins er ætlaður til að festa lausan enda leggs dragreipisins þegar hann er ekki festur
við tengipunkt festingarinnar við notkun sem fallvörn. Stöðubúnað dragreipisins má aldrei nota sem festingu
fallvarnarbúnaðar á fallvarnarbeltinu til að tengja dragreipi (A).
Þegar ótengdur fótur dragreipis er ekki tengdur við tengipunkt festingar, þarf að koma honum í viðeigandi stöðu á
öryggisbeltinu (B) eða í hönd notandans eins og í 100% tveggja fóta notkun (C). Frjáls hangandi fætur dragreipis (D)
geta látið notandann hrasa eða farið í hluti í kring og orsakað fall.
4.5 TVÍBURATENGITAUG, 100% TVEGGJA FÓTA NOTKUN: Tvíburatengitaugar með höggdeyfi er hægt að nota til
áframhaldandi fallvarnar (100% tveggja fóta notkun), á meðan farið er upp, niður eða til hliðar (sjá skýringarmynd
13). Með því að hafa annan fótinn festan við festingu getur starfsmaðurinn fært sig á annan stað, fest ónotaða
fótinn við aðra festingu og losað svo hinn fótinn frá upprunalegu festingunni. Þessa aðgerð skal endurtaka þar til
starfsmaðurinn er kominn á þann stað sem hann óskar eftir. Hafa skal eftirfarandi í huga þegar tvíburatengitaug er
notuð með 100% báðum fótum:
• Festið báða fætur tengitaugarinnar ekki við sömu festingu (sjá skýringarmynd 14A).
• Ef fleiri en ein festing er tengd við einfalda festingu (hring eða auga) getur verið að festingin sé ekki lengur í
samræmi, þar sem festingarnar stangast á og því er ekki mælt með slíku.
• Festing hvors fótar dragreipisins við sitthvoran festistaðinn er ásættanleg (skýringarmynd 14B).
• Allir festistaðir verða að uppfylla festingarkröfur sem skilgreindar eru í kafla 1.
• Festið aldrei fleiri en einn starfsmann við tvíburatengitaugina (skýringarmynd 14C) samtímis.
• Látið fætur dragreipisins ekki flækjast eða vefjast um hvorn annan þar sem það getur hindrað þá í að dragast
upp.
• Látið fætur dragreipisins ekki fara undir handleggi eða fótleggi við notkun.
4.6 FALLVARNARTAUG FYRIR BRÚNIR: Tilgreindur búnaður (sjá skýringarmynd 1) er viðurkenndur til notkunar yfir
sléttar stálbrúnir með 0,5 mm (0,02 tommu) radíus (r). Svipaðar brúnir eru á: völsuðum stálsniðum, viðarbjálkum
eða klæddum eða ávölum þakriðum. Samt sem áður skal hafa áðurgreind atriði í huga þegar búnaðurinn er notaður í
láréttri eða þverlægri uppsetningu og hætta er á að fall úr hæð yfir brún eigi sér stað:
• Ef áhættumatið sem gert er áður en vinnan hefst leiðir í ljós að brúnin sé mjög „skörp" og/eða ekki „fullslétt"
(t.d. ef um ræðir óklætt þakrið, ryðgaðan bita eða steypta brún): Gera skal viðeigandi varúðarráðstafanir áður en
vinna hefst til að koma í veg fyrir fall fram yfir brún, eða setja upp brúnvörn, eða hafa samband við framleiðanda.
• Festistaðurinn má eingöngu vera í sömu hæð og brúnin sem fallið getur átt sér stað yfir eða fyrir ofan hana.
• Horngráða endurbeiningar dragreipisins við brúnina sem fall getur átt sér stað yfir (mælt á milli beggja hliðanna
sem endurbeiningartaugin myndar) á að vera a.m.k. 90 gráður.
• Til að draga úr hættunni á að fall endi í því að viðkomandi sveiflist til skal takmarka vinnusvæðið eða
hliðarhreyfingu beggja vegna miðássins við 1,50 m í mesta lagi.
5.0 SKOÐUN
5.1 SKOÐUNARTÍÐNI: Dragreipið með höggdeyfingunni skal skoða með því millibili sem tekið er fram í hlta 2.
Skoðunaraðferðum er lýst í „Eftirlits- og viðhaldsskrá" (tafla 2).
;
Erfiðar vinnuaðstæður (óblítt umhverfi, langvarandi notkun, o.s.frv.) geta haft í för með sér tíðari skoðun.
5.2 ÓÖRUGGAR AÐSTÆÐUR EÐA GALLAR: Ef gallar koma í ljós við skoðun, skal fjarlægja dragreipið umsvifalaust úr
umferð og farga því til að koma í veg fyrir að það sé notað fyrir slysni. Dragreipi eru ekki viðgerðarhæf.
5.3 LÍFTÍMI VÖRU: Endingartími höggdeyfandi 3M dragreipa ræðst af vinnuaðstæðum og viðhaldi. Hámarkslíftími getur
verið frá 1 ári við mikla notkun í öfgakenndum aðstæðum til 10 ára ef notkun er lítil og aðstæður eru vægar. Nota má
vöruna áfram svo lengi sem hún stenst skoðunarkröfur og það í allt að 10 ár.
6.0 VIÐHALD, ÞJÓNUSTA OG GEYMSLA
;
Ekki skal þrífa eða sótthreinsa Dragreipi á neinn annan máta en þann sem lýst er í eftirfarandi
„Leiðbeiningum um hreinsun". Aðrar hreinsunaraðferðir geta haft skaðleg áhrif á dragreipið eða notandann.
6.1 HREINSUN: Hreinsunaraðferðir höggdeyfandi dragreipis eru eftirfarandi:
• Reglulega skal hreinsa ytra borð dragreipisins með vatni og mildri sápulausn. Hitastig vatnsins skal ekki fara
umfram 40°C. Komið dragreipinu fyrir þannig að umframvatn geti lekið af því. Þurrhreinsið ekki. Strauið ekki.
Hreinsið merkin eftir þörfum.
• Skolið og látið þorna til fulls. Þurrkið ekki með hita.
;
Notið hreinsiefni án bleikingarefnis þegar dragreipi eru hreinsuð. EKKI skal nota mýkingarefni eða
þurrkarablöð við hreinsun og þurrkun dragreipa
6.2 ÞJÓNUSTA: Dragreipi eru ekki viðgerðarhæf. Ef dragreipið hefur orðið fyrir skemmdum eða álags vegna falls, eða ef
skoðun leiðir í ljós óörugg skilyrði eða galla, verður að taka dragreipið úr notkun og farga því.
6.3 GEYMSLA/FLUTNINGUR: Geymið og flytjið dragreipi á köldum, þurrum og hreinum stað, fjarri beinu sólarljósi.
Forðast skal svæði þar sem efnagufur geta verið til staðar. Skoðið dragreipið vandlega ef það hefur verið geymt í
langan tíma.
135