Philips PerfectCare Performer GC8755/80 User Manual page 121

Pushimi i sigurt
Pushimi i hekurit gjatë rregullimit të rrobës
Gjatë rregullimit të rrobës, mund ta lini hekurin ose mbi platformën e hekurit, ose horizontalisht mbi
tavolinën e hekurosjes (Fig. 2). Teknologjia "OptimalTEMP" garanton që pllaka e poshtme të mos dëmtojë
mbulesën e tavolinës së hekurosjes.
Kursim energjie
Modaliteti "Eco"
Duke përdorur modalitetin "ECO" (sasi e zvogëluar e avullit), ju mund të kurseni energji pa kompromentuar
rezultatin e hekurosjes.
1 Për të aktivizuar modalitetin "ECO", shtypni butonin "ECO" (Fig. 15). Drita e gjelbër "ECO" ndizet.
2 Për të çaktivizuar modalitetin "ECO", shtypni përsëri butonin "ECO". Drita e gjelbër "ECO" fiket.
Fikja automatike (vetëm llojet e veçanta)
- Për të kursyer energji, pajisja fiket automatikisht kur nuk është përdorur për 5 minuta. Drita e fikjes
automatike në butonin e ndezjes/fikjes fillon të pulsojë.
- Për ta aktivizuar sërish pajisjen, shtypni butonin e ndezjes/fikjes. Pajisja në vijim fillon të ngrohet sërish.
Paralajmërim: Mos e lini kurrë pa mbikëqyrje pajisjen kur është e lidhur në rrjetin elektrik. Hiqeni
gjithnjë pajisjen nga priza pas përdorimit.
Pastrimi dhe mirëmbajtja
Sistemi inteligjent "Calc-Clean"
Pajisja juaj është projektuar me një sistem inteligjent "Calc-Clean" për të siguruar që zhgëlqerëzimi dhe
pastrimi të bëhet rregullisht. Kjo ndihmon për të mbajtur një performancë të lartë me avull dhe parandalon
papastërtinë dhe njollat që dalin nga pllaka me kalimin e kohës. Për të siguruar që procesi i pastrimit të jetë
kryer, kaldaja e avullit ju kujton rregullisht.
Kujtesa me dritë dhe tingull për "Calc-Clean"
Pas 1 deri në 3 muaj përdorim, drita "Calc-Clean" fillon të pulsojë dhe pajisja fillon të japë sinjale akustike për
të treguar që duhet të kryeni procesin "Calc-Clean" (Fig. 16).
Përveç kësaj, është i integruar një hap i dytë mbrojtës për të mbrojtur kaldajën e avullit nga bigorri: funksioni
i avullit çaktivizohet nëse zhgëlqerëzimi nuk është bërë (Fig. 17). Pasi kryhet zhgëlqerëzimi, funksioni i avullit
rikthehet. Kjo ndodh pavarësisht tipit të ujit që përdorni.
Shënim: Procesi "Calc-Clean" mund të kryhet në çdo kohë edhe kur kujtesa me dritë dhe tingull nuk është
aktivizuar ende.
Kryerja e procesit "Calc-Clean" me depozitën e "Calc-Clean"
Paralajmërim: Mos e lini pajisjen pa mbikëqyrje gjatë procesit "Calc-Clean".
Kujdes: Gjithmonë kryeni procesin "Calc-Clean" me depozitën e "Calc-Clean". Mos ndërpritni procesin
duke nxjerrë hekurin nga depozita e "Calc-Clean", pasi uji i nxehtë dhe avulli mund të dalin nga
pllaka e poshtme.
1 Mbusheni depozitën e ujit përgjysmë (Fig. 18).
Shënim: Sigurohuni që pajisja të jetë e futur në prizë dhe të jetë e ndezur gjatë procesit "Calc-Clean".
2 Vendosni depozitën e "Calc-Clean" në tavolinën e hekurosjes ose në çfarëdo sipërfaqe të drejtë dhe të
qëndrueshme (Fig. 19).
Shqip
123