3M AC40 Series User Instruction Manual page 114

2.6 SVEIFLUFALL: Sveiflufall á sér stað þegar festipunktur er beint fyrir ofan þann punkt þar sem fall á sér stað (sjá
mynd 6). Kraftur þess að lenda á hlut við sveiflufall getur valdið alvarlegu líkamstjóni eða dauða. Lágmarka skal
sveiflur með því að vinna eins beint fyrir neðan festipunktinn og mögulegt er. Ekki skal leyfa sveiflufall ef meiðsli
geta átt sér stað. Sveiflufall eykur umtalsvert nauðsynlegt fallbil þegar sjálfinndraganlegur búnaður (Self-Retracting
Device-SRD) eða annað tengt kerfi með breytilega lengd er notað.
2.7 SAMHÆFI HLUTA: 3M búnaður er hannaður til notkunar eingöngu með 3M samþykktum hlutum og undirkerfum.
Skiptingar eða endurnýjanir sem fara fram með hlutum eða undirkerfum sem eru ekki samþykkt geta komið í veg
fyrir samhæfi búnaðar og geta haft áhrif á öryggi og áreiðanleika heildarkerfisins.
2.8 SAMHÆFI TENGIS: Tengi eru talin samhæf við tengihluta þegar þau hafa verið hönnuð til að vinna saman þannig
að stærðir þeirra og lögun valda því ekki að hliðarbúnaður þeirra opnast fyrir slysni, óháð því hvernig þau eru stillt.
Hafðu samband við 3M ef þú ert með einhverjar spurningar um samhæfi.
Tengi (krókar, karabínur og D-hringir) verða að geta stutt að minnsta kosti 20 kN (4.500 pund). Tengi verða að
vera samhæf festingunni eða öðrum kerfishlutum. Ekki nota búnað sem er ekki samhæfur. Tengi sem eru ósamhæf
geta losnað fyrir slysni (sjá mynd 7). Tengi verða að vera samhæf að stærð, lögun og styrkleika. Ef tengihluti sem
smellukrókur eða karabína er fest við er of lítill eða óreglulegur að lögun, gæti ástand komið upp þar sem tengihlutinn
beitir afli á hlið smellukróks eða karabínu (A). Þetta afl getur valdið því að hliðið opnast (B) og að smellukrókurinn eða
karabínan losnar frá tengipunktinum (C).
2.9 TENGING FRAMKVÆMD: Aðeins skal nota sjálflæsandi smellukróka og karabínur með þessum búnaði. Tryggðu að
öll tengi séu samhæf að stærð, lögun og styrkleika. Ekki nota búnað sem er ekki samhæfur. Tryggðu að öll tengi séu
lokuð að fullu og læst.
Tengi 3M (smellukrókar og karabínur) eru aðeins ætluð til notkunar eins og tilgreint er í notkunarleiðbeiningum
sérhverrar vöru. Á mynd 8 má sjá dæmi um ranga tengingu. Ekki tengja smellukróka og karabínur:
A. Við D-hring sem annað tengi er fest við.
B. Á máta sem mundi orsaka álag á hliðið.
C. Við falska tengingu, þegar hlutar sem standa úr smellukrók eða karabínur festast í festingunni, og án sýnilegrar
staðfestingar og virðast vera að fullu fastir við festipunktinn.
D. Við hvorn annan.
E. Beint við belti eða dragreipi eða festingu (nema leiðbeiningar framleiðanda fyrir dragreipi og tengi heimili slíka
tengingu).
F. Við hlut sem er að lögun eða stærð þannig að smellukrókurinn eða karabínan lokast ekki og læsist, eða getur
rúllað af.
G. Á þann hátt sem hindrar það að tengið samstillist rétt undir álagi.
114