O'zbek - Philips GC6804/26 User Manual

Jihozdan foydalanish
Dazmollanadigan matolar
Dazmollanmaydigan matolarni dazmollamang.
- Bu belgilardagi matolar (5-rasm) dazmollanadigan matolar, masalan zig'ir, paxta, poliester, ipak, jun,
viskoza va rayonni dazmollash mumkin.
- Bu belgili matolarni (6-rasm) dazmollab bo'lmaydi. Bunday matolar spandeks yoki elastan, spandeks
aralashgan matolar va poliolefin (polipropilen) kabi matolarni o'z ichiga oladi. Kiyimlardagi bosilgan
tasvirlarni ham dazmollab bo'lmaydi.
Dazmollash
1 Jihozni barqaror va tekis joyga qo'ying.
Eslatma: Dazmollash jarayoni xavfsiz bo'lishi uchun asosni har doim barqaror dazmol taxtasiga
joylashtirish tavsiya etiladi.
2 Suv bakida yetarli miqdorda suv borligini tekshiring.
3 Saqlash bo'lmasidan tarmoq shnuri va suv taʼminoti shlangini chiqaring.
4 Tarmoq vilkasini yerga ulangan rozetkaga ulang va jihozni yoqish uchun yoqish/o'chirish tugmasini
bosing. "Dazmol tayyor" chirog'i doimiy yonishni boshlaguncha kuting (7-rasm). Bu taxminan 2 daqiqa
vaqt oladi.
5 Faqat GC6819, GC6820, GC6830 va GC6840 seriyalari uchun: dazmolni dazmol platformasidan olish
uchun ko'tarishga qarshi qulfni ochish tugmasini bosing (8-rasm).
6 Bug'lashni boshlash uchun bug' triggerini bosib turing (9-rasm).
Eslatma: Eng yaxshi dazmollash natijalariga erishish uchun bug' bilan dazmollagandan keyin so'nggi
dazmollash ishlarini bug'siz bajaring.
Ogohlantirish: Hech qachon bug'ni odamlarga qaratmang.
Eslatma: Jihozni birinchi marta ishlatganingizda, jihozdan bug' chiqishi uchun 30 soniya kerak bo'lishi
mumkin.
Eslatma: Har safar bug' triggerini bosganingizda nasos faollashadi. U past balandlikdagi shovqinli ovoz
chiqaradi, bu normal holat hisoblanadi. Suv bakida suv qolmaganda nasos ovozi balandlashadi. Suv sathi
minimal darajadan pastga tushganda, bakni suv bilan to'ldiring.
Bug'ni kuchaytirish funksiyasi
1 3 soniya davomida kuchli bug' oqimini chiqarish uchun bug' triggerini ikki marta tez bosing (10-rasm).
Eslatma: bug'ni kuchaytirish funksiyasidan faqat ketishi qiyin bo'lgan burmalarni tekishlash uchun
ishlatish tavsiya etiladi.
Vertikal dazmollash
Ogohlantirish: Dazmoldan issiq bug' ajralib chiqadi. Hech qachon kiyimdagi burmalarni kimdir uni
kiygan holda tekislashga urinmang (11-rasm). O'zingiz yoki boshqa birovning qo'liga yaqin joyga
bug' yo'naltirmang.
Osilib turgan matolardagi burmalarni tekislash uchun bug' dazmolini vertikal holatda ishlatishingiz mumkin.
1 Dazmolni vertikal holatda ushlang, bug' triggerini bosing va kiyimga asos plitasini yengil tekkizing va
dazmolni yuqoriga va pastga harakatlantiring (12-rasm).

O'zbek

167