Philips GC6804/26 User Manual page 158

160 Türkmençe
Giriş
Satyn almagyňyz bilen gutlaýarys we Philips dünýäsine hoş geldiňiz! Philips tarapyndan hödürlenilýän
goldawdan doly peýdalanmak üçin önümiňizi www.philips.com/welcome salgysynda bellige aldyryň.
Enjamy ulanmazdan ozal şu ulanyjy gollanmasyny, möhüm maglumat kagyzyny we çalt başlangyç
ýolbeledini üns bilen okaň. Olary geljekde gollanmak üçin saklaň.
Önüme umumy syn (Şekil 1)
1 Ütügiň dabany
2 Ütügiň taýýardygyny görkezýän çyra
3 Bug goýberiji/Güýçli bug
4 Suw üpjünçilik şlangasy
5 Suw gabyny doldurmak üçin gapak
6 Göterileninde gulpy ýazdyrýan düwme (diňe GC6819, GC6820, GC6830 we GC6840 seriýalar)
7 Ütügiň platformasy
8 Enjama tok berlip durandygyny görkezýän çyraly we öçüriş çyraly açýan/öçürýän düwme
9 Çyraly CALC-CLEAN düwmesi
10 Elektrik dürtgüji bilen elektrik kabeli
11 Suw üpjünçilik şlangasy we elektrik kabeli saklanýan bölüm
12 Akylly Calc-Clean gaby
Philips tarapyndan aýratyn tehnologiýa
OptimalTEMP tehnologiýasy
OptimalTEMP tehnologiýasy ütügiň temperaturasyny düzmezden we geýimleri sortlamazdan islendik
görnüşli matalary islendik tertipde ütüklemäge mümkinçilik berýär.
Ütügiň dabany gyzgyn wagty ony ütük tagtasynyň üstünde goýmak howpsuz bolup durýar (Şekil 2), ütügiň
platformasyna ýerleşdirmek zerur bolmaýar. Şeýle etmeklik siziň bilegiňize düşýän agramy azaltmaga
ýardam berýär.
Ykjam ProVelocity tehnologiýasy
Bu tehnologiýa ýygyrtlary aňsatlyk bilen aýyrmak üçin eşiklere siňýän üznüksiz bugy üpjün edýär. Şol bir
wagtyň özünde ol enjamyň adaty bug öndürijilerden has ykjam we ýeňil bolmagyny üpjün edýär, bu bolsa
ony ammarda saklamagy aňsatlaşdyrýar.
Ulanyşa taýýarlamak
Ulanylmaly suwuň görnüşi
Enjamyňyz şäheriň suw ulgamyndan alnan suw bilen işlemäge niýetlenilen. Emma, ýaşaýan sebitiňizdäki
suw talh bolsa, enjamda gysga wagtda galyndylaryň toplanmagy mümkin. Şol sebäpli, enjamyňyzyň hyzmat
ediş ömrüni uzaltmak üçin distillirlenen ýa-da mineralsyzlaşdyrylan suwy ulanmak maslahat berilýär.
Duýduryş:Ys berijili suw, guradyjy enjamdan çykan suw, sirke, krahmal, galyndyny aýyrýan
serişdeler, ütük etmekde kömekçiler, himiki taýdan galyndysy aýrylan suw ýa-da başga himikatlary
ulanmaň, sebäbi olar suwuň dammagyna, goňur tegmillere ýa-da enjamyňyza zeper ýetmegine ýol
açyp biler.
Suw gabyny doldurmak
Her gezek ulanmazdan ozal ýa-da suw gabyndaky suwuň mukdary iň pes derejeden aşak düşeninde suw
gabyny dolduryň. Suw gabyny enjamy ulanýan wagtyňyz islendik pursatda dolduryp bilersiňiz.
1 Suw gaby doldurylýan gapagy açyň (Şekil 3).