-
Tregoni kujdes për mjedisin. Shmangni përdorimin e panevojshëm të valvulës
për të shkaktuar më pak ndotje dhe emetime të zhurmës. Rregullojeni
karburatorin në mënyrën e duhur.
-
Gjatë ose pas përdorimit, mos e vendosni pajisjen e nxehtë mbi bar të thatë
ose mbi materiale të djegshme.
-
Mos e mbani dorën e djathtë mbi lartësinë e shpatullës.
-
Gjatë përdorimit asnjëherë mos godisni objekte të forta me zinxhirin e
sharrës, si gur dhe gozhda. Tregoni kujdes të veçantë kur prisni degë afër
mureve, gardheve me tela ose gjërave të ngjashme.
-
Nëse degët bllokohen në zinxhirin e sharrës, gjithmonë fikni motorin dhe
hiqni kapakun e kandelës. Në të kundërt, ndezja e paqëllimshme mund të
shkaktojë lëndim serioz.
-
Nëse zinxhiri i sharrës bllokohet, gjithmonë fikni motorin dhe hiqni kapakun e
kandelës përpara se ta pastroni.
-
Përshpejtimi i motorit kur zinxhiri i sharrës është i bllokuar rrit ngarkesën dhe
dëmton motorin dhe/ose friksionin.
-
Përpara se të prisni pjesë të pemëve, mbani një zonë nga ku të largoheni nga
pjesa e pemës që do të bjerë. Së pari, pastroni pengesat, si pjesët e pemës
dhe degët nga zona e punës. Largoni të gjitha veglat dhe sendet e tjera nga
rruga e largimit dhe vërini në një vend tjetër të sigurt.
-
Përpara se të prisni degë ose pjesë pemës, kontrolloni drejtimin ku do të
bien, duke marrë në konsideratë kushtet e degëve dhe të pjesëve të pemës,
pemët përreth, drejtimin e erës, etj. Kushtojini vëmendje drejtimit të rënies
dhe kërcimit mbrapsht të degës kur ajo godet tokën.
-
Kurrë mos e mbani sharrën me shufër në një kënd më të madh se 60°. Në
të kundërt, objektet që bien mund të godasin përdoruesin dhe të shkaktojnë
lëndime serioze. Mos qëndroni asnjëherë poshtë degës që pritet.
-
Bëni kujdes nga degët e thyera ose të përkulura. Ato mund të kërcejnë gjatë
prerjes, duke shkaktuar lëndime të papritur.
-
Përpara se të prisni degët që synoni, hiqni degët dhe gjethet rreth tyre.
Përndryshe ato mund të bllokojnë sharrën.
-
Për të parandaluar bllokimin e sharrës në pjesën e prerë, mos e lëshoni levën
e gazit përpara se ta hiqni sharrën nga pjesa e prerë.
-
Nëse zinxhiri i sharrës ngec në pjesën e prerë, fikni menjëherë motorin,
lëvizeni me kujdes degën për të hapur pjesën e prerë dhe për të liruar
sharrën.
-
Shmangni kundërshtytjen (forca reaguese rrotulluese drejt përdoruesit).
Për të shmangur kundërshtytjen mos përdorni kurrë hundëzën e shufrës
udhëzuese dhe as mos kryeni prerje depërtuese. Tregoni gjithmonë kujdes
për pozicionin e hundëzës së shufrës udhëzuese.
-
Kontrolloni shpesh tendosjen e zinxhirit. Përpara se të kontrolloni ose
rregulloni tendosjen e zinxhirit, fikni motorin dhe hiqni kapakun e kandelës.
Nëse zinxhiri është i lirë, shtrëngojeni.
-
Përdoreni pajisjen duke shkaktuar sa më pak zhurmë dhe ndotje. Në veçanti
kontrolloni vendosjen e saktë të karburatorit.
-
Asnjëherë mos e përdorni pajisjen kur jeni në shkallë.
-
Kurrë mos u ngjisni në pemë për të prerë.
-
Pritni derisa zinxhiri të arrijë shpejtësinë e plotë të punës përpara se të nisni
prerjen.
-
Bëni pushim për të parandaluar humbjen e kontrollit për shkak të lodhjes. Ne
rekomandojmë që të bëni 10 deri në 20 minuta pushim pas çdo ore.
Transporti
-
Përpara se ta transportoni pajisjen, fikni motorin dhe hiqni kapakun e
kandelës.
-
Vendosni gjithmonë kapakun e shufrës udhëzuese gjatë transportit.
-
Përdorni gjithmonë veglat mbrojtëse të përfshira me pajisjen.
-
Mbajeni në pozicion horizontal duke e mbajtur nga boshti. Marmitën e nxehtë
mbajeni larg trupit.
-
Kur transportoni pajisjen në një automjet, lidheni mirë që të mos përmbyset.
Përndryshe kjo mund të rezultojë në derdhje të karburantit dhe dëmtim të
pajisjes dhe bagazheve të tjera.
-
Fikeni motorin gjatë transportit.
-
Sigurohuni që depozita e karburantit të jetë tërësisht bosh.
-
Gjatë shkarkimit të pajisjes nga kamioni, mos e lëshoni asnjëherë motorin në
tokë, sepse kjo mund të dëmtojë rëndë depozitën e karburantit.
-
Mos harroni që ta ngrini të gjithë pajisjen nga toka kur ta lëvizni atë. Tërheqja
e depozitës së karburantit është shumë me rrezik dhe mund të shkaktojë
dëmtime ose rrjedhje të karburantit, duke u bërë shkak për zjarr.
56