БЕЗБЕДНОСНИ УПАТСТВА
Општи упатства
-
За да се осигура правилна работа, корисникот мора да го прочита ова
упатство за да се запознае со ракувањето со опремата. Недоволно
информираните корисници ризикуваат да се доведат себе си и другите
во опасност заради неправилно ракување.
-
Се препорачува да ја позајмувате опремата само на луѓе кои имаат
докажано искуство со опремата.
Секогаш предавајте го упатството за користење.
-
Почетниците треба да побараат од продавачот основни упатства за да
се запознаат со ракувањето со пила на моторен погон.
-
Децата и младите лица под 18-годишна ворзаст не смеат да ракуваат со
опремата. Лицата над 16-годишна возраст може да го користат овој уред
заради обука само под надзор на стручно лице.
-
Користете ја опремата со многу големо внимание и грижа.
-
Работете со опремата само ако сте во добра физичка состојба. Сите
работи изведувајте ги смирено и внимателно. Корисникот мора да ја
прифати одговорноста за другите луѓе.
-
Никогаш не користете ја опремата по конзумирање алкохол или
наркотични средства, или ако се чувствувате уморни или болни.
-
Никогаш не обидувајте се да ја модификувате опремата.
-
Државните регулативи може да ја ограничуваат употребата на опремата.
Следете ги регулативите за ракување со пили на рачка и синџирни пили
во вашата држава.
Намена на машината
Оваа опрема е дизајнирана само со намена за отсекување гранки и
израстоци помали од 15 цм во дијаметар. Никогаш не користете ја
опремата за друга намена. Злоупотребувањето на опремата може да
предизвика тешка повреда.
Опрема за лична заштита
-
Облеката што се носи треба да биде функционална и адекватна, т.е.
треба тесно да прилега, но да не предизвикува нефлексибилност на
телото. Немојте да носите накит или облека што може да се заплетка во
грмушки или џбунови.
-
За да избегнете повреди на главата, очите, рацете или стапалата, како
и за да го заштитите својот слух, за време на работењето, мора да се
користи следнава заштита опрема и заштитна облека.
-
Секаде каде што има ризик од разлетани предмети, носете заштитен
шлем. Заштитниот шлем (1) треба да се проверува на редовни
временски интервали дали има оштетувања и треба да се замени
најдоцна по 5 години. Користете само одобрени заштитни шлемови.
-
Штитникот (2) на шлемот (или алтернативно, заштитните очила) го
штити лицето од разлетани отпадни материјали и камчиња. За време на
работењето, секогаш носете заштитни очила или маска за да спречите
повреда на очите.
-
Носете адекватна опрема за заштита од бучава за да избегнете
оштетување на слухот (ушници (3), тампони за уши итн).
-
Работното одело (4) штити од разлетани камења и отпадоци.
Ние цврсто препорачуваме корисникот да носи работно одело.
-
Специјалните ракавици (5) направени од дебела кожа се дел од
пропишаната опрема и мора секогаш да се носат за време на работата.
-
Кога ја користите опремата, секогаш носете цврсти обувки (6) со ѓонови
што не се лизгаат. Со нив се обезбедува заштита од повреди и се
обезбедува стабилна потпора со стапалата.
-
Кога ракувате со синџирната пила или кога ја прилагодувате
затегнатоста на синџирот, носете заштитни ракавици. Синџирната пила
може многу сериозно да ги пресече голите раце.
128