Microlife BP A6 PC Instructions Manual page 82

Hvernig á að sleppa því að vista mælingu
Um leið og niðurstaða birtist skaltu halda ræsingar-/stöðvunar
hnappnum 1 inni þar til «M» BL blikkar. Staðfestu eyðingu með
því að ýta á M-hnappinn AK.

Þú getur stöðvað mælinguna hvenær sem er með því að ýta
á ræsingar-/stöðvunarhnappinn (til dæmis ef þér líður illa
eða finnur fyrir óþægilegum þrýstingi).

Ef vitað er að efri mörk eru mjög há getur verið gagnlegt
að stilla þrýstinginn handvirkt. Ýttu á ræsingar-/stöðvunar
hnappinn eftir að skjárinn hefur pumpað lofti upp að u.þ.b.
30 mmHg (birtist á skjánum). Haltu rofanum inni þar til
þrýstingurinn er um 40 mmHg fyrir ofan áætluð eftir mörk –
þá skaltu sleppa rofanum.
5. Gáttatifsmerki birtist sem bendir til gáttatifs (aðeins
með AFIB/MAM-stillingu)
Tækið getur greint gáttatif. Þetta tákn BO gefur til kynna að gáttatif
hafi greinst við mælingu. Ef gáttatif greinist við blóðþrýstingsmælingu
blikkar gáttatifsmerkið þegar mælingunum þremur er lokið. Ef
gáttatifsmerkið birtist eftir að blóðþrýstingsmælingarlotu er að fullu
lokið (þrjár mælingar í röð) er ráðlagt að bíða í eina klukkustund og
mæla síðan aftur (þrjár mælingar í röð). Ef gáttatifsmerkið birtist aftur
er ráðlagt að leita til læknis. Ef gáttatifsmerkið birtist ekki aftur er
engin ástæða til að hafa áhyggjur. Í slíkum tilfellum er mælt með
annarri mælingu daginn eftir.
Upplýsingar fyrir lækni þegar gáttatifsmerki birtist oft
Þetta tæki er sveiflumælandi blóðþrýstingsmælir sem greinir
einnig hjartsláttaróreglu meðan á mælingu stendur.
Gáttatifsmerki birtist að lokinni mælingu ef gáttatif greinist við
blóðþrýstingsmælingu. Ef gáttatifsmerkið birtist eftir að
blóðþrýstingsmælingarlotu er að fullu lokið (þrjár mælingar í röð)
er ráðlagt að bíða í eina klukkustund og mæla síðan aftur (þrjár
mælngar í röð). Ef gáttatifsmerkið birtist aftur er ráðlagt að leita
til læknis.
Tækið kemur ekki í stað hjartaskoðunar en getur gefið
vísbendingar um gáttatif sem oft greinist ekki fyrr en eftir
heilablóðfall.

Haltu handleggnum kyrrum á meðan mælt er til að draga úr
líkum á röngum niðurstöðum.

Ekki er víst að tækið greini gáttatif hjá einstaklingum með
gangráð eða hjartastuðtæki.
80
6. Umferðarljós á skjánum
Umferðarljós á vinstri brún skjásins BK sýna á hvaða bili tiltekið
blóðþrýstingsgildi er. Eftir hæð stikunnar er gildið ýmist ákjósanlegt
(grænt), hátt (gult), of hátt (appelsínugult) eða hættulega hátt (rautt).
Flokkunin er í samræmi við flokkun blóðþrýstingsgilda samkvæmt
alþjóðlegum viðmiðum (ESH, AHA, JSH) sem lýst er í «kafla 1».
7. Aðgerðir með tölvutengingu
Tækið má nota með einkatölvu sem keyrir hugbúnaðinn Microlife
Blood Pressure Analyser (BPA). Hægt er að flytja vistaðar mælingar
úr blóðþrýstingsmælinum yfir í tölvu með því að tengja snúru á milli.
Ef geisladiskur og snúra fylgja ekki er unnt að nálgast BPA-
hugbúnaðinn á www.microlife.com og nota USB-snúru með fimm
pinna Mini-B tengi.
Uppsetning og gagnasendingar
1. Settu geisladiskinn inn í geisladrif tölvunnar. Uppsetningin hefst
sjálfkrafa. Ef ekki skaltu smella á «SETUP.EXE».
2. Tengdu blóðþrýstingsmælinn við tölvuna með snúrunni. Ekki
þarf að kveikja á tækinu. Þrjár láréttar stikur birtast í 3 sekúndur
á skjánum.
3. Stikurnar blikka sem gefur til kynna að tenging milli tölvunnar og
tækisins hafi tekist. Á meðan snúran er í sambandi blikka
stikurnar áfram auk þess sem hnappar eru óvirkir.

Öll stjórnun tækisins fer fram í gegnum tölvuna á meðan
tengingin er virk. Leiðbeiningar um notkun hugbúnaðarins
eru í skránni «help» (hjálp).
8. Gagnaminni
Tækið vistar sjálfkrafa mælingar fyrir tvo notendur og hefur 99
mælinga gagnaminni fyrir hvorn notanda.
Skoðun vistaðra mælingarniðurstaðna
Veldu annaðhvort notanda 1 eða 2 með notendarofanum 9.
Settu lásrofann AN í «ólæsta» stöðu. Ýttu stutt á M-hnappinn AK.
Skjárinn sýnir fyrst «M» BL og meðaltal mælinga. Tækið skiptir því
næst yfir í síðustu mælingu sem var vistuð.
Með því að ýta endurtekið á «+» AM eða «-» AL hnappinn er hægt
að fletta á milli vistaðra mælingarniðurstaðna. Ýtið aftur á M-
hnappinn til að fara úr gagnaminninu.
Minni fullt
Gættu þess að vista ekki fleiri mælingar en sem nemur 99
mælinga gagnaminni tækisins fyrir hvern notanda. Þegar