Udhëzimet për mirëmbajtjen
-
Shërbimi për pajisjen tuaj duhet të kryhet nga qendra të autorizuara shërbimi,
duke përdorur gjithmonë pjesë origjinale këmbimi. Riparimi jo i saktë dhe
mirëmbajtja e dobët mund të shkurtojë jetëgjatësinë e pajisjes dhe të rrisë
rrezikun e aksidenteve.
-
Përpara se të kryeni punime mirëmbajtjeje ose riparimi ose të pastroni
pajisjen, fikni gjithmonë motorin dhe hiqni kapakun e kandelës. Pritni derisa
motori të ftohet.
-
Për të zvogëluar rrezikun e zjarrit asnjëherë mos kryeni shërbime ose mos e
ruani pajisjen në afërsi të zjarrit.
-
Vishni gjithmonë doreza mbrojtëse gjatë punës me zinxhirin e sharrës.
-
Pastroni gjithmonë pluhurin dhe papastërtitë nga pajisja. Mos përdorni kurrë
benzinë, benzen, hollues, alkool dhe të ngjashme për pastrim. Kjo mund të
rezultojë në çngjyrosje, deformim ose krisje të pjesëve përbërëse plastike.
-
Pas çdo përdorimi, shtrëngoni të gjitha vidat dhe dadot përveç vidave të
regjistrimit.
-
Mbajeni të mprehur zinxhirin e sharrës. Nëse zinxhiri i sharrës ka humbur
mprehtësinë dhe rezultati i prerjes është i dobët, mpriheni ose ndërrojeni me
një të ri në një qendër të autorizuar shërbimi Makita.
-
Mos u përpiqni të kryeni mirëmbajtje ose riparime që nuk përshkruhen në
këtë manual përdorimi. Këto punime duhen kryer në qendrat e autorizuara të
shërbimit Makita.
-
Pastrojeni pajisjen në intervale të rregullta dhe kontrolloni që të gjitha vidat
dhe dadot të jenë të shtrënguara mirë.
-
Ruajeni gjithmonë pajisjen në dhoma të mbyllura dhe me depozitë karburanti
të boshatisur.
Ruajtja
-
Përpara se ta magazinoni pajisjen, pastrojeni tërësisht dhe kryeni shërbimet
e mirëmbajtjes. Vendosni kapakun e shufrës udhëzuese. Hiqni kapakun e
kandelës. Zbrazni të gjithë karburantin dhe vajin e zinxhirit pasi motori të
ftohet.
-
Ruajeni pajisjen në një vend të thatë dhe të lartë ose të mbyllur, larg fëmijëve.
-
Mos e mbështesni pajisjen te ndonjë objekt tjetër, si p.sh. në mur. A jo mund
të bjerë papritur dhe të shkaktojë lëndime.
Vëzhgoni udhëzimet përkatëse për parandalimin e aksidenteve që janë lëshuar nga shoqatat përkatëse të tregtisë dhe nga kompanitë e
sigurimit.
Mos kryeni modifikime në pajisje, sepse mund të vënë në rrezik sigurinë tuaj.
Punimet e mirëmbajtjes ose të riparimit nga përdoruesi duhet të kufizohen vetëm me veprimtaritë e përshkruara në manualin e përdorimit. Të
gjitha punimet e tjera duhet të kryhen nga një qendër e autorizuar shërbimi. Përdorni vetëm pjesë këmbimi dhe aksesorë origjinalë të lëshuar
ose të furnizuar nga MAKITA.
Përdorimi i aksesorëve dhe veglave jo të miratuara nënkupton shtimin e rrezikut të aksidenteve.
MAKITA nuk mban përgjegjësi për aksidente ose dëmtime të shkaktuara nga përdorimi i shtesave, i pajisjeve fiksuese të shtesave ose nga
përdorimi i aksesorëve të pamiratuar prej saj.
Ndihma e shpejtë
Në rast aksidenti sigurohuni që në afërsi të punimeve të prerjes të keni një kuti
të ndihmës së shpejtë. Ndërroni menjëherë çdo artikull që hiqni nga kutia e
ndihmës së shpejtë.
Nëse kërkoni ndihmë, lutemi të jepni informacionet e
mëposhtme:
-
Vendin e aksidentit
-
Çfarë ndodhi
-
Numrin e personave të lënduar
-
Llojet e lëndimeve
-
Emrin tuaj
Dridhja
-
Individët me probleme në qarkullimin e gjakut që i ekspozohen dridhjeve të tepërta mund të pësojnë dëmtime të enëve të gjakut ose në
sistemin nervor. Dridhjet mund të shkaktojnë simptomat e mëposhtme në gishta, duar ose kyçe: "Përgjumje" (mpirje), therje, dhimbje, një
ndjesi shpuese, ndryshim të ngjyrës së lëkurës ose të vetë lëkurës. Nëse ju shfaqet ndonjë nga këto simptoma, shkoni te mjeku!
-
Për të ulur rrezikun e "sëmundjes së dridhjeve të shpeshta", mbajini duart të ngrohta gjatë punës dhe mirëmbajeni mirë pajisjen dhe
aksesorët.
57