Ndizeni motorin vetëm sipas udhëzimeve.
-
Mos përdorni metoda të tjera për të ndezur motorin!
-
Vendoseni pajisjen mbi një vend të qëndrueshëm. Ruani ekuilibrin dhe
mbështetini këmbët mirë.
-
Kur të tërhiqni dorezën e ndezësit, mbajeni pajisjen fort të mbështetur në tokë
me dorën e majtë. Asnjëherë mos vini këmbët mbi boshtin e drejtimit.
-
Përpara se të ndizni motorin, sigurohuni që të mos ketë asnjë person ose
kafshë në zonën e punës.
-
Kur ndizni motorin, mbajeni zinxhirin e sharrës dhe shufrën udhëzuese larg
trupit tuaj dhe objekteve të tjera, përfshirë dhe tokën. Gjatë ndezjes zinxhiri i
sharrës mund të lëvizë dhe mund të shkaktojë lëndime serioze ose dëmtim të
zinxhirit të sharrës dhe/ose pronës.
-
Në rast të ndonjë problemi me motorin, fikeni atë menjëherë.
-
Nëse zinxhiri i sharrës godet gurë ose objekte të tjera të forta, fikeni
menjëherë motorin dhe kontrolloni pajisjen.
-
Përdoreni pajisjen vetëm pasi keni lidhur rripin e krahut, i cili duhet të
rregullohet siç duhet përpara se ta përdorni pajisjen. Është e rëndësishme që
të rregulloni rripin e krahut sipas përmasave të përdoruesit për të parandaluar
lodhjen gjatë përdorimit. Mos e mbani kurrë prerësin vetëm me një dorë gjatë
përdorimit.
-
Me motorin në xhiro minimale, vendosni pajimet e mbajtjes në shpatull. Gjatë
përdorimit mbajeni pajisjen fort në krahun tuaj të djathtë.
-
Të gjitha instalimet mbrojtëse dhe mbrojtëset që ofrohen me makinerinë
duhet të përdoren gjatë përdorimit të saj.
-
Asnjëherë mos e vini motorin në punë kur zhurmëmbytësi i marmitës është
me defekt.
-
Me përjashtim të rasteve të emergjencës, mos e lëshoni ose hidhni kurrë
pajisjen në tokë sepse kjo mund ta dëmtojë rëndë pajisjen.
Mbushja me karburant
-
Gjatë furnizimit me karburant, fikni motorin, mbajeni larg pajisjen nga flakët
dhe mos pini duhan.
-
Shmangni kontaktin e lëkurës me produktet e vajit mineral. Mos thithni avujt e
karburantit. Mbani gjithmonë doreza mbrojtëse gjatë furnizimit me karburant.
Ndërrojini dhe pastrojini rrobat mbrojtëse në intervale të rregullta.
-
Bëni kujdes që të mos derdhni as karburant dhe as vaj për të parandaluar
ndotjen e dheut (mbrojtja e mjedisit). Pastroni menjëherë pajisjen pasi të jetë
derdhur karburanti.
-
Shmangni kontaktin e karburantit me rrobat. Ndërrojini rrobat menjëherë nëse
mbi to është derdhur karburant (për të parandaluar që rrobat të marrin flakë).
-
Kontrolloni kapakun e karburantit në intervale të rregullta për t'u siguruar që
ai të jetë mbërthyer mirë dhe që nuk pikon.
-
Shtrëngojeni me kujdes kapakun e depozitës së karburantit. Ndërroni
vend për të ndezur motorin (të paktën 3 metra larg vendit të furnizimit me
karburant).
-
Asnjëherë mos bëni furnizimin me karburant në dhoma të mbyllura. Avujt e
karburantit akumulohen në nivelin e tokës (rrezik shpërthimi).
-
Karburantin transportojeni dhe ruajeni vetëm në enë të miratuara. Sigurohuni
që karburanti që ruani të mos arrihet nga fëmijët.
Metoda e përdorimit
-
Në rast emergjence, fikni menjëherë motorin.
-
Nëse ndieni diçka të pazakontë (p.sh. zhurmë, dridhje) gjatë përdorimit, fikni
motorin. Mos e përdorni pajisjen derisa të zbuloni shkakun dhe ta eliminoni.
-
Zinxhiri i sharrës vazhdon të lëvizë për pak pas lëshimit të dorezës së gazit.
Mos nxitoni të prekni zinxhirin e sharrës.
-
Mbajeni dorezën e përparme me dorën e majtë dhe dorezën e pasme
me dorën e djathtë, edhe nëse jeni mëngjarash. Mbajini dorezat duke i
shtrënguar me të gjithë gishtat.
-
Mos u përpiqni kurrë ta vini në përdorim pajisjen me një dorë. Humbja e
kontrollit mund të rezultojë në lëndim serioz ose fatal. Për të ulur rrezikun e
lëndimit, mbajini duart dhe këmbët larg teheve.
-
Mos u zgjatni më shumë seç duhet. Mbani në çdo moment këmbët në
pozicionin e duhur dhe ekuilibrin e duhur.
-
Shikoni për pengesa të fshehura si trungje peme, rrënjë dhe kanale që të
mos pengoheni. Pastroni degët e rëna dhe objektet e tjera.
-
Nëse pajisja përplaset ose bie, kontrolloni gjendjen e saj para se të vazhdoni
punën. Kontrolloni sistemin e karburantit për rrjedhje të tij dhe pajisjet e
kontrollit dhe të sigurisë për ndonjë keqfunksionim. Nëse ka dëmtime ose
dyshoni për dëmtime, dërgojeni për inspektim dhe riparim në qendrën e
autorizuar të shërbimit Makita.
-
Mos e prekni kutinë e ingranazheve. Kutia e ingranazheve nxehet gjatë
përdorimit.
-
Kur e lini pajisjen vetëm, qoftë dhe për një kohë të shkurtër, fikeni gjithmonë
motorin. Nëse pajisja lihet pa kontroll me motor ndezur mund të përdoret nga
persona të paautorizuar dhe të shkaktojë aksidente të rënda.
• Lënia pushim
• Transporti
• Mbushja me karburant
• Mirëmbajtja
• Ndërrimi i veglës
55