Udhëzimet Për Sigurinë - Makita EY2650H Original Instruction Manual

UDHËZIMET PËR SIGURINË
Udhëzime të përgjithshme
- Për të siguruar funksionimin pa probleme, përdoruesi duhet të lexojë këtë
manual përdorimi në mënyrë që të njihet me mënyrat sesi duhet përdorur
pajisja. Përdoruesit e painformuar mjaftueshëm vënë në rrezik veten dhe të
tjerët nga përdorimi jo i duhur.
- Rekomandohet që pajisja t'u jepet hua vetëm atyre personave që kanë
përvojë të vërtetuar me pajisjen.
Gjithmonë jepni manualin e përdorimit bashkë me pajisjen.
- Ata që e përdorim pajisjen për herë të parë duhet të pyesin shitësin për
udhëzimet bazë që të njihen me mënyrën e përdorimit të një prerësi me
motor.
- Fëmijët dhe të rinjtë nën 18 vjeç nuk duhen lejuar ta përdorin pajisjen.
Megjithatë, personat mbi moshën 16 vjeç mund ta përdorin pajisjen për
qëllime trajnimi vetëm nën mbikëqyrjen e një instruktori të kualifikuar.
- Përdoreni pajisjen me kujdesin dhe vëmendjen më të madhe.
- Përdoreni pajisjen vetëm kur jeni në gjendje të mirë fizike. Kryejini të gjitha
punët me qetësi dhe kujdes. Përdoruesi mban përgjegjësi edhe për të tjerët.
- Mos e përdorni kurrë pajisjen pasi të keni konsumuar alkool ose drogë ose
nëse ndiheni të lodhur ose të sëmurë.
- Mos u përpiqni kurrë të modifikoni pajisjen.
- Rregulloret kombëtare mund të kufizojnë përdorimin e pajisjes. Ndiqni
rregulloret për përdorimin e sharrave me shufër dhe sharrave me zinxhir në
vendin tuaj.
Përdorimi i parashikuar i makinerisë
Kjo pajisje është projektuar vetëm për të krasitur degë ose pjesë peme me një
diametër më të vogël se 15 cm. Mos e përdorni kurrë pajisjen për qëllime të
tjera. Keqpërdorimi i pajisjes mund të shkaktojë lëndime të rënda.
Pajisjet personale mbrojtëse
- Rrobat që duhen veshur duhet të jenë funksionale dhe të përshtatshme, pra
duhet të jenë të ngjitura pas trupit, por jo aq sa t'ju pengojnë. Mos mbani
bizhuteri ose rroba që mund të ngecin nëpër shkurre ose gëmusha.
- Për të shmangur dëmtimet në kokë, sy, dorë ose këmbë, si dhe për të
mbrojtur veshët gjatë përdorimit duhet të përdorni pajisjet dhe veshjet e
mëposhtme mbrojtëse.
- Mbani gjithmonë një helmetë kur ka rrezik të rënies së objekteve. Helmeta
mbrojtëse (1) duhet të kontrollohet në intervale të rregullta për dëmtim
dhe duhet të ndërrohet maksimumi pas 5 vjetësh. Përdorni vetëm helmeta
mbrojtëse të miratuara.
- Streha (2) e helmetës (ose syzet mbrojtëse) mbrojnë fytyrën nga pjesët ose
gurët që mund të shkëputen. Gjatë përdorimit mbani gjithmonë syze ose
strehë për të shmangur lëndimet në sy.
- Mbani pajisje të përshtatshme mbrojtëse kundër zhurmës për të shmangur
dëmtimin e veshëve (veshore (3), tapë veshësh etj.).
- Kominoshet e punës (4) ju mbrojnë nga gurët ose pjesët që mund të
shkëputen.
Rekomandojmë fort që përdoruesi të veshë kominoshe pune.
- Dorezat e posaçme (5) prej lëkure të trashë janë pjesë e pajisjeve të
përshkruara dhe duhen veshur gjithmonë gjatë përdorimit.
- Kur punoni me pajisjen vishni gjithmonë këpucë të forta (6) me shuall që nuk
rrëshqet. Kjo ju mbron nga lëndimet dhe siguron një mbështetje të mirë.
- Gjatë punës me zinxhirin e sharrës ose kur rregulloni tendosjen e tij, vishni
doreza mbrojtëse. Zinxhiri i sharrës mund të shkaktojë prerje të thella në
duar.
53