Bosch System Controller Original Operating Instructions page 94

Íslenska – 4
Á meðan verið er að hlaða rafhlöðu rafhjólsins blikkar efsta
strikið í hleðsluvísinum fyrir rafhlöðu rafhjólsins (13).
Einnig er hægt að sjá hleðslustöðuna á ljósdíóðunum á
rafhlöðu rafhjólsins.
Stuðningsþrep valið
Á stjórntölvunum er hægt að stilla hversu mikinn stuðning
drifið veitir þegar stigið er á fótstigin.
Mini Remote/Mini Remote Dropbar: Ýtt er stuttlega
(< 1 sek.) á hnappana + (4) eða – (6) til að auka eða minnka
stuðninginn.
System Controller: Ýtt er stuttlega (< 1 sek.) á
stillingarhnappinn (14) til að auka stuðninginn.
Ýtt er á stillingarhnappinn (14) í meira en 1 sekúndu til að
minnka stuðninginn.
Hægt er að breyta stuðningsþrepinu hvenær sem er, líka á
ferð, og er stillingin gefin til kynna með litamerki.
Þrep Upplýsingar
OFF Slökkt er á stuðningi drifsins, hægt er að hjóla á
rafhjólinu eins og á venjulegu reiðhjóli með því
að stíga á fótstigin.
ECO Virkur stuðningur með mestri skilvirkni, fyrir
hámarksdrægi
TOUR Jafn stuðningur, fyrir ferðir með miklu drægi
TOUR+ Breytilegur stuðningur fyrir venjulegan og
sportlegan akstur
eMTB Sem bestur stuðningur við allar aðstæður, tekið
sportlega af stað, betri kraftur, hámarksafköst
SPORT Kraftmikill stuðningur fyrir sportlegan akstur í
hæðóttu landslagi og innanbæjar
TURBO Hámarksstuðningur upp að miklum
snúningshraða sveifar, fyrir sportlegan akstur
AUTO Stuðningurinn er lagaður sjálfkrafa að
akstursskilyrðum hverju sinni.
RACE Hámarksstuðningur á brautum fyrir rafknúin
fjallahjól; mikil snerpa og „Extended Boost" fyrir
sem mest afköst í keppnum
CARGO Jafn og kraftmikill stuðningur til að geta flutt
þunga byrði með öruggum hætti
SPRINT Breytilegur stuðningur eftir snúningshraða
sveifar – fyrir sportlega notkun rafhjólsins á möl
og vegum með hröðum köflum og tíðum
brekkum
Athugaðu: Það hvaða stillingar eru í boði fer eftir
drifeiningunni hverju sinni.
Heiti og útfærslur á stuðningsþrepum geta verið forstillt hjá
framleiðanda og valin af söluaðila reiðhjólsins.
Stuðningsþrepum breytt
Hægt er að breyta stuðningsþrepunum innan vissra marka í
appinu eBike Flow. Þannig er hægt að laga rafhjólið að
þörfum notandans.
Ekki er hægt að búa til sína eigin stillingu frá grunni. Aðeins
er hægt að breyta þeim stillingum sem framleiðandi eða
0 275 007 3RC | (01.06.2023)
söluaðili hafa leyft til notkunar í kerfinu. Um minna en fjórar
stillingar getur einnig verið að ræða.
Auk þess getur verið að ekki sé hægt að breyta stillingunum
vegna takmarkana sem gilda í þínu landi.
Hægt er að breyta eftirfarandi atriðum:
– Stuðningi í hlutfalli við grunngildi stillingar (innan
lagalegra marka)
– Snerpu drifsins
– Hraðalækkunarmörkum (innan lagalegra marka)
– Hámarkstogi (innan marka drifsins)
Athugaðu: Breytta stillingin heldur sömu stöðu, sama heiti
og sama lit á öllum hjólatölvum og stjórntækjum.
Samspil drifeiningar og gírskiptingar
Jafnvel þótt um rafhjól sé að ræða er gírskiptingin notuð með
sama hætti og á venjulegu reiðhjóli (sjá notendahandbók
rafhjólsins).
Óháð því um hvernig gírskiptingu er að ræða er mælt með því
að stíga léttar á fótstigin í stutta stund á meðan skipt er um
gír. Þannig verður auðveldara að skipta um gír og dregið er úr
sliti á aflrásinni.
Með því að setja í réttan gír er hægt að auka hraðann og
drægið án þess að leggja meira á sig.
Kveikt/slökkt á ljósunum á hjólinu (aðeins Mini
Remote/Mini Remote Dropbar)
Áður en hjólað er af stað skal ganga úr skugga um að ljósin á
hjólinu virki rétt.
Kveikt/slökkt er á ljósunum á hjólinu með því að halda
hnappinum fyrir hjólaljós (4) inni í meira en 1 sekúndu.
Kveikt og slökkt á teymingarhjálp
Teymingarhjálpin getur auðveldað þér að teyma rafhjólið.
Hraðinn fyrir teymingarhjálpina er að hámarki 4 km/h.
Forstillingin frá framleiðanda getur verið lægri og hægt er að
láta söluaðila reiðhjólsins breyta henni ef þess þarf.
Aðeins má nota teymingarhjálpina þegar rafhjólið er
u
teymt. Ef hjól rafhjólsins snerta ekki jörðu þegar
teymingarhjálpin er notuð skapast slysahætta.
Ef valinn er of hár gír getur drifeiningin hvorki hreyft
u
rafhjólið úr stað né virkjað rennivörnina.
Teymingarhjálpin er sett í gang með því að ýta á hnappinn
fyrir teymingarhjálpina (6) og halda honum inni í meira en
1 sek. Það slokknar á hleðsluvísinum fyrir rafhlöðu
rafhjólsins (13) og hvítt ljós sem hreyfist í akstursátt gefur til
kynna að hjólið sé tilbúið til notkunar.
Til að virkja teymingarhjálpina verður að gera eitthvað af
eftirfarandi innan næstu 10 sek.:
– Ýttu rafhjólinu áfram.
– Ýttu rafhjólinu aftur á bak.
– Hallaðu rafhjólinu til hliðar.
Þegar búið er að virkja teymingarhjálpina byrjar drifið að ýta
hjólinu og hvítu strikin verða ljósblá á litinn.
Þegar hnappinum fyrir teymingarhjálp (6) er sleppt er gert
hlé á teymingarhjálpinni. Hægt er að gera teymingarhjálpina
Bosch eBike Systems