Azərbaycan - Philips HI5920/20 User Manual

Avtomatik söndürmə rejimi
Bu seriyaların xüsusi modellərində avtomatik bağlanma rejimi var.
- Enerjiyə qənaət etmək üçün cihaz 5 dəqiqə ərzində istifadə edilmədikdə avtomatik sönür. "Ütü hazırdır"
işığı yanıb-sönməyə başlayır.
- Cihazı yenidən aktivləşdirmək üçün yandırın/söndürün keçiricisini "söndürün", sonra isə "yandırın"
istiqamətinə təyin edin. Cihaz yenidən isinməyə başlayır.
Təmizlik və baxım
Smart Ərp Təmizləmə Sistemi
Ərp çıxarma və təmizləməni müntəzəm olaraq həyata keçirmək üçün cihazda Smart Ərp Təmizləmə
sistemi dizayn edilmişdir. Bu, güclü buxar performansını qorumağa kömək edir və zamanla ütü altlığından
kir və ləkələrin çıxmasının qarşısını alır. Təmizləmə prosesinə əməl etməyiniz üçün buxar generatoru sizə
müntəzəm xatırladıcılar göndərir.
Səs və işığı olan Ərp Təmizləmə xatırladıcısı
1-3 aylıq istifadədən sonra Ərp Təmizləmə işığı yanıb-sönməyə başlayır və cihaz Ərp Təmizləmə prosesini
yerinə yetirməli olduğunuzu bildirmək üçün siqnal verməyə başlayır (Şək. 3).
Məsləhət: Buxar tətiyinə basmamaqla quru ütüləməyə davam edə bilərsiniz.
Bundan başqa, buxar generatorunu ərpdən qorumaq üçün ikinci müdafiə tədbiri də görülüb: cihaz ərpdən
təmizlənmədikdə buxar funksiyası söndürülür. Ərp çıxarıldıqdan sonra buxar funksiyası bərpa olunacaq. Bu,
istifadə olunan suyun növündən asılı olmayaraq baş verir.
Qeyd: Ərp Təmizləmə prosesi istənilən vaxt, hətta səs və işıq xatırladıcısı hələ aktivləşdirilməsə belə, həyata
keçirilə bilər.
Ərp Təmizləmə qabı ilə Ərp Təmizləmə prosesinin yerinə yetirilməsi
Xəbərdarlıq: Ərp Təmizləmə prosesi zamanı cihazı nəzarətsiz qoymayın.
Diqqət: Ütünü Ərp Təmizləmə qabından yuxarı qaldıraraq prosesi dayandırmayın, çünki ütü
altlığından isti su və buxar çıxacaq.
1 Su çənini yarıya qədər doldurun (Şək. 4).
Qeyd: Ərp Təmizləmə prosesi zamanı cihazın elektrik şəbəkəsinə qoşulduğuna və YANDIRILDIĞINA əmin
olun.
2 Ərp Təmizləmə qabını ütü masasına və ya hər hansı digər düz, sabit səthə qoyun.
3 Ütünü Ərp Təmizləmə qabının üzərinə sabit şəkildə qoyun (Şək. 5).
Qeyd: Ərp Təmizləmə qabı Ərp Təmizləmə prosesi zamanı ərp hissəciklərinin və isti suyun yığılması üçün
nəzərdə tutulub. Bütün proses zamanı ütünü bu qabın üzərinə qoymaq tamamilə təhlükəsizdir.
4 Qısa siqnal səsi eşidənə qədər ƏRP TƏMİZLƏMƏ düyməsini 2 saniyə basılı saxlayın (Şək. 6).
5 Ərp Təmizləmə prosesi zamanı qısa siqnal və nasos səsi eşidəcəksiniz (Şək. 7).
6 Ərp Təmizləmə prosesi başa çatdıqda ütü siqnal verməyi, ƏRP TƏMİZLƏMƏ işığı isə yanıb-sönməyi
dayandırır (Şək. 8).
7 Ütünü parça ilə silin və yenidən altlıq yerinə qoyun (Şək. 9).
8 Ərp Təmizləmə qabı Ərp Təmizləmə prosesi zamanı qızdığı üçün qaba toxunmazdan əvvəl təxminən 5
dəqiqə gözləyin. Sonra Ərp Təmizləmə qabını çanağa boşaldın və gələcək istifadə üçün saxlayın (Şək. 10).
9 Lazım gələrsə, 1 və 7-ci addımları təkrarlaya bilərsiniz. Ərp Təmizləmə prosesinə başlamazdan əvvəl Ərp
Təmizləmə qabını boşaltdığınıza əmin olun.
Azərbaycan
77