Samsung MC28M6075 Series User Manual page 247

Udhëzimet për gatim me sensor automatik
Sensori Automatik ju mundëson që të gatuani ushqim në mënyrë automatike duke thithur sasinë
e gazeve që prodhohen nga ushqimi gjatë gatimit.
• Gjatë gatimit të ushqimeve, prodhohen lloje të ndryshme gazesh. Sensori Automatik
përcakton kohën e duhur dhe nivelin e fuqisë duke lokalizuar këto gaze që dalin nga
ushqimi, duke eliminuar nevojën për të vendosur kohën e gatimit dhe nivelin e fuqisë.
• Kur e mbuloni enën me kapakun e saj ose me mbështjellëse plastike gjatë gatimit me sensor,
sensori automatik do të thithë gazet që prodhohen pasi ena është ngopur me avull.
• Pak para se gatimi të përfundojë, koha e mbetur e gatimit do të fillojë numërimin mbrapsht.
Ky do të ishte një moment i përshtatshëm për ju që të rrotulloni ose të trazoni ushqimin nëse
është e nevojshme, në mënyrë që të gatuhet në mënyrë të njëtrajtshme.
• Para gatimit me sensor automatik, ushqimit mund t'i hidhni erëza ose salcë të skuqur.
Megjithatë, duhet të dini se kripa ose sheqeri mund të krijojnë njolla djegieje te ushqimi,
kështu që këta përbërës duhet të shtohen pasi janë gatuar.
Enët e kuzhinës dhe kapaku për gatimin me sensor
• Për të arritur rezultate të mira gatimi me këtë funksion, ndiqni udhëzimet në tabelën e këtij
libri për të zgjedhur enët dhe kapakët e përshtatshëm.
• Përdorni gjithmonë enë që nuk e dëmtojnë mikrovalën dhe mbulojini ato me kapakët e tyre
ose me mbështjellëse plastike. Kur të përdorni mbështjellëse plastike, kthejeni cepin e njërës
anë për të lejuar daljen e avullit të mjaftueshëm.
• Mbulojeni gjithmonë me kapakun përkatës të enës që po përdorni. Nëse ena nuk ka kapakun
e vet, përdorni mbështjellëse plastike.
• Mbushini enët deri të paktën përgjysmë.
• Ushqimet që kanë nevojë për trazim ose për t'u rrotulluar, duhet të trazohen ose të
rrotullohen nga fundi i ciklit të gatimit me sensor, pasi ora në ekran të ketë filluar numërimin
mbrapsht.
Untitled-14 23
E rëndësishme
• Pasi ta keni instaluar furrën dhe pasi ta keni vendosur në prizën elektrike, mos e hiqni
kabllon e energjisë. Sensori i gazit ka nevojë për kohë që të stabilizohet, në mënyrë që të
japë rezultate të kënaqshme gatimi.
• Nuk këshillohet përdorimi i veçorisë së gatimit me sensor automatik në mënyrë të
vazhdueshme për gatim, pra për proceset e gatimit njëri pas tjetrit.
• Instalojeni furrën në një vend me ajrosje të mirë, që të ketë freskinë e duhur dhe qarkullim
të ajrit dhe për t'u siguruar që sensori funksionon siç duhet.
• Për të shmangur rezultatet e dobëta të gatimit, mos e përdorni sensorin automatik kur
temperatura e dhomës është shumë e lartë ose shumë e ulët.
• Mos përdorni detergjent të avullueshëm për të pastruar furrën tuaj. Gazi që del nga
detergjenti, mund të dëmtojë sensorin.
• Shmangni vendosjen e furrës pranë pajisjeve me lagështirë të lartë ose që emetojnë gaz,
pasi kjo do të ndikojë te performanca e sensorit automatik.
• Mbajeni gjithmonë të pastër pjesën e brendshme të furrës. Fshijini pjesët e derdhura me një
leckë të lagur. Furra është projektuar vetëm për përdorim në shtëpi.
Shqip 23
2017-06-13 3:06:37