Ariston ABS VLS EVO POWER 30 Instructions For Installation, Use, Maintenance page 30

ТЕХНИКАЛЫҚ ҚЫЗМЕТ КӨРСЕТУ (БІЛІКТІ МАМАНДАР ҮШІН)
Барлық техникалық қызмет көрсету жұмыстарын және келіп істейтін қызмет көрсету
жұмыстарын білікті адамдар атқаруы тиіс (қолданыстағы тиісті нормалар бойынша тиісті
дағдыға ие адамдар).
Техникалық қызмет көрсету орталығына қоңырау шалудан бұрын, ақау су немесе қуат берілмей қалуы
салдарынан туындамағанын тексеріңіз.
ЕСКЕРТУ: кез келген техникалық қызмет көрсету жұмыстарын атқарудан бұрын, құрылғыны
токтан ажырату керек.
Құрылғыны босату
Құрылғы ұзақ уақыт қолданылмайтын болса және/немесе су қататын жерде қалдырылса, оны босату керек.
Құрылғыны босату үшін төмендегі әрекеттерді орындаңыз:
- құрылғыны ток көзінен ажыратыңыз;
- жапқыш клапан орнатылған болса соны (2-сурет, D) немесе ол орнатылмаған болса, үйдің негізгі су
клапанын жабыңыз;
- ыстық су шүмегін ашыңыз (шұңғылша немесе ванна);
- ағызу клапанын ашыңыз (2-сурет, B).
Бөлшектерді ауыстыру (қажет болған кезде)
Қақпақты ашып, электр бөлшектерге қол жеткізуге болады (7-сурет).
Кабельдерді ағытып (7-сурет, C,Y және P), винттерді алып тастау арқылы қуат тақтасын ашыңыз (7-сурет,
Z). Алдымен қуат тақтасын алып тастап, басқару панелін ашыңыз (7-сурет, Z). Дисплей тақтасы өнімге екі
бекіткіш құлақшамен (4a суреті, A) бекітілген, оған төменгі қақпақтың астынан қол жеткізуге болады.
Басқару панелін бекітетін құлақшаларды жалпақ бұрауышпен (4b суреті, A), шығыңқы жерлерден қозғап,
сол кезде оны сыртқа итеріп, орнынан босатып алыңыз. Екі бекіткіш құлақшаны солай босатыңыз.
Пластик құлақшаларды қозғаған кезде, абай болыңыз, олар сынып қалса, панель орнына дұрыс отырмай,
құрылғының эстетикасы бүлінуі мүмкін. Басқару панелін шешіп алғаннан кейін, датчиктер орнатылған
өзектің коннекторларын және қуат тақтасын ажыратуға болады. Датчиктер орнатылған өзекті (7-сурет, K)
сымдарды (7-сурет, F) басқару панелінен ажыратып, орнынан шешіп алыңыз, осы кезде сымдарды қатты
майыстырып жібермеңіз.
Қайта құрастырған кезде, барлық құрамдас бөліктерді бастапқы орындарына орнатқаныңызға
көз жеткізіңіз.
Қыздыру элементтері мен анодтармен жұмыс істеу үшін алдымен құрылғыдағы суды ағызыңыз.
Болттарды (5-сурет, C) және фланецтерді (5-сурет, F) шешіп алыңыз. Фланецтер қыздыру элементтері
мен анодтарға жалғанған. Қайта құрастырған кезде, датчиктер орнатылған өзекті және қыздыру
элементтерін (7- және 5-сурет) бастапқы орындарына орнатқаныңызға көз жеткізіңіз. H.E.1 немесе H.E.2
түрлі-түсті жазуы бар фланец пластинасы сондай жазуы бар жерге орнатылғанына көз жеткізіңіз.
Фланец шешіп алынған сайын, оның тығыздағышын (6-сурет, Z) ауыстырып отырған жөн.
АБАЙ БОЛЫҢЫЗ! Қыздыру элементтерінің орнын ауыстыру салдарынан құрылғы істен шығуы
мүмкін. Бір уақытта бір элементпен жұмыс істеңіз де, екіншісін бірінші элементті қайта орнатқан
кейін ғана шешіп алыңыз.
Өндіруші өкілеттік берген өкілетті қызмет орталықтарынан алған түпнұсқалы бөлшектерді ғана
қолданыңыз.
30 / KZ