Makita RT001GM210 Instruction Manual page 54

6. Rrëshqiteni treguesin e thellësisë në mënyrë që
treguesi të tregojë "0" në shkallëzim.
► Fig.36: 1. Treguesi i thellësisë
7. Rregullojeni thellësinë e prerjes duke tërhequr lart
pajisjen fiksuese ndërsa shtypni butonin e furnizimit.
► Fig.37: 1. Pajisja fiksuese 2. Butoni i furnizimit
8. Për të kryer rregullimin e detajuar të thellësisë
së prerjes, rrotullojeni diskun në pajisjen fiksuese në
mënyrë që të tregojë "0".
► Fig.38: 1. Disku
9.
Rrotullojeni kokën e pajisjes fiksuese për të arritur
thellësinë e dëshiruar. Për të rritur thellësinë, rrotulloni
kokën në drejtim të kundërt të akrepave të orës. Për të
ulur thellësinë, rrotulloni kokën në drejtim të akrepave
të orës. (Thellësia ndryshon me 1 mm për çdo një
rrotullim.)
► Fig.39: 1. Koka e pajisjes fiksuese
10. Shtrëngoni dadon fiksuese të pajisjes fiksuese.
► Fig.40: 1. Dadoja fiksuese
11.
Lëshoni levën fiksuese.
► Fig.41: 1. Leva fiksuese
Duke e shtyrë mjetin derisa boshti frenues të takohet
me vidën frenuese, mund të arrini thellësinë e prerjes
që keni vendosur me procedurën e mësipërme.
Përdorimi i veglës me bazën e
makinës buzëprerëse
Vendoseni bazën e veglës mbi materialin e vërtetë të
punës pa krijuar asnjë kontakt me punton e makinës
buzëprerëse. Ndizni veglën dhe prisni derisa puntoja
e makinës buzëprerëse të marrë shpejtësinë e plotë.
Lëvizeni veglën përpara mbi sipërfaqen e materialit të
punës. Mbajeni bazën e veglës rrafsh gjatë lëvizjes së
veglës.
Gjatë prerjes së buzës, sigurohuni që ta mbani
sipërfaqen e materialit të punës në anën e majtë
të puntos së makinës buzëprerëse në drejtimin e
furnizimit.
► Fig.42
SHËNIM: Përpara se të prisni materialin aktual të
punës, rekomandohet që të bëni një prerje provë.
Shpejtësia e duhur e furnizimit do të varet nga
përmasat e puntos së makinës buzëprerëse, lloji i
materialit të punës dhe thellësia e prerjes. Lëvizja e
veglës përpara me shpejtësi mund të shkaktojë prerje
me cilësi të dobët ose dëmtim të puntos së makinës
buzëprerëse ose motorit. Lëvizja e veglës përpara
me ngadalë mund të djegë ose dëmtojë sipërfaqen
e prerjes.
Kur përdorni gominën e makinës buzëprerëse,
udhëzuesin e drejtë ose udhëzuesin e makinës
buzëprerëse, sigurohuni që ta instaloni në të djathtë të
drejtimit të furnizimit. Kjo do të ndihmojë ta mbajë rrafsh
me anën e materialit të punës.
► Fig.43: 1. Puntoja e makinës buzëprerëse
2. Materiali i punës 3. Udhëzuesi i drejtë
VINI RE:
Meqë prerja e tepërt mund të shkaktojë
mbingarkim të motorit ose vështirësi në kontrollin
e veglës, thellësia e prerjes nuk duhet të jetë më
e madhe se 3 mm me një kalim kur prisni kanale.
Nëse dëshironi të prisni kanale me thellësi mbi 3 mm,
bëni disa kalime me punto të makinës buzëprerëse
që thellohet gradualisht.
Përdorimi i udhëzuesit të drejtë
1. Montoni udhëzuesin e drejtë me bulonin dhe
dadon flutur.
► Fig.44: 1. Buloni 2. Dadoja flutur
2. Bashkoni udhëzuesin e drejtë me bazën e
makinës buzëprerëse me një vidë shtrënguese.
► Fig.45: 1. Vida shtrënguese
3. Lironi dadon flutur mbi udhëzuesin e drejtë dhe
rregulloni distancën ndërmjet puntos së makinës
buzëprerëse dhe udhëzuesit të drejtë. Kur të arrini
distancën e dëshiruar, shtrëngojeni dadon flutur.
► Fig.46: 1. Dadoja flutur
4. Lëvizeni veglën me udhëzuesin e drejtë të
vendosur rrafsh me anën e materialit të punës.
► Fig.47
Nëse distanca (A) ndërmjet anës së materialit të
punës dhe pozicionit të prerjes është tepër e gjerë për
udhëzuesin e drejtë ose nëse ana e materialit të punës
nuk është e drejtë, atëherë udhëzuesi i drejtë nuk mund
të përdoret.
Në këtë rast shtrëngoni fort me vida një dërrasë
të drejtë mbi materialin e punës dhe përdoreni si
udhëzues kundrejt bazës së makinës buzëprerëse.
Drejtojeni veglën në drejtim të shigjetës.
► Fig.48
Përdorimi i udhëzuesit të drejtë për
punime në formë qarkore
Për punime në formë qarkore, montoni udhëzuesin
e drejtë siç tregohet në figura. Rrezja minimale dhe
maksimale e rrathëve që do të priten (distanca ndërmjet
qendrës së rrethit dhe qendrës së puntos së makinës
buzëprerëse) janë si më poshtë:
• Minimumi: 70 mm
• Maksimumi: 221 mm
Për të prerë rrathë me rreze nga 70 deri në 121 mm.
► Fig.49: 1. Vrima qendrore
Për të prerë rrathë me rreze nga 121 deri në 221 mm.
► Fig.50: 1. Vrima qendrore
SHËNIM: Rrathët me rreze nga 172 mm deri në 186
mm nuk mund të priten me anë të këtij udhëzuesi.
Bashkërenditni vrimën në qendër të udhëzuesit të drejtë
me qendrën e rrethit që do të pritet. Futni një gozhdë
me diametër më të vogël se 6 mm në vrimën në qendër
për të siguruar udhëzuesin e drejtë. Rrotulloni veglën
rreth gozhdës në drejtim të akrepave të orës.
► Fig.51: 1. Gozhda 2. Vrima qendrore
54 SHQIP