Makita DHS660 Instruction Manual page 41

PËRDORIMI
KUJDES:
Sigurohuni ta lëvizni veglën përpara
lehtë dhe në vijë të drejtë. Shtyrja e veglës me
forcë, ose mbajtja jo në vijë të drejtë do të çojnë në
mbinxehje të motorit dhe zmbrapsje të rrezikshme,
duke shkaktuar ndoshta dhe lëndime serioze.
SHËNIM: Vegla mund të mos funksionojë me
kapacitet të plotë kur temperatura e kutisë së
baterisë është e ulët. Në këtë moment, për shembull,
përdoreni veglën për një prerje të lehtë për pak kohë
derisa kutia e baterisë të marrë temperaturën e
dhomës. Më pas, vegla mund të punojë me kapacitet
të plotë.
► Fig.30
Mbajeni veglën fort. Pajisja është e pajisur me një
dorezë të përparme dhe një dorezë të pasme. Përdorini
të dyja për ta mbajtur veglën sa më fort. Nëse të dyja
duart përdoren për të mbajtur sharrën, ato s'mund të
priten nga fleta e sharrës rrethore. Vendoseni bazën
mbi materialin e punës që do të pritet pa bërë asnjë
kontakt me fletën e sharrës rrethore. Në vijim ndizeni
veglën dhe prisni derisa fleta e sharrës rrethore të arrijë
shpejtësinë e plotë. Tani thjesht lëvizni veglën përpara
mbi sipërfaqen e materialit të punës, duke e mbajtur në
të njëjtën lartësi dhe duke ecur para me ngadalë derisa
sharrimi të përfundojë.
Për prerje të pastra, mbajeni vijën e sharrimit të drejtë
dhe shpejtësinë e përparimit të njëtrajtshme. Nëse
prerja nuk bëhet sipas vijës së prerjes që kishit në
mendje, mos u përpiqni ta ktheni ose ta tërhiqni veglën
pas me forcë për në vijën e prerjes. Ky veprim mund të
bllokojë fletën e sharrës rrethore e të çojë në zmbrapsje
të rrezikshme dhe ndoshta lëndime serioze. Lëshoni
çelësin, prisni derisa fleta e sharrës rrethore të ndalojë
dhe më pas tërhiqeni veglën. Rivendoseni veglën në
vijën e re të prerjes dhe nisni sërish prerjen. Përpiquni
të shmangni pozicionet që ekspozojnë përdoruesin ndaj
ciflave të drurit dhe tallashit që nxjerr sharra. Përdorni
syze mbrojtëse për të shmangur lëndimin.
Kufizues (vizore udhëzuese)
Aksesorë opsionalë
► Fig.31: 1. Kufizues (vizore udhëzuese) 2. Vida e
mbërthimit
Udhëzuesi praktik lëvizës ju mundëson prerje të drejta
tepër të sakta. Thjesht rrëshqiteni udhëzuesin me
ngadalë lart kundër anës së materialit të punës dhe
sigurojeni në pozicion me anë të vidës në pjesën e
përparme të bazës. Me të mund të bëni dhe prerje të
përsëritura me gjerësi uniforme.
Lidhja me kordon (rrip lidhës)
Paralajmërimet e sigurisë specifike për
përdorimin në lartësi
Lexoni të gjitha paralajmërimet dhe udhëzimet
për sigurinë. Mosndjekja e paralajmërimeve dhe e
udhëzimeve mund të rezultojë në lëndime serioze.
1. Gjithmonë mbajeni veglën të lidhur kur punoni
"në lartësi". Gjatësia maksimale e kordonit
është 2 m (6,5 ft).
2. Përdoreni vetëm me kordon të përshtatshëm
për këtë lloj vegle dhe të miratuar për të paktën
4,0 kg (8,8 lbs).
3. Mos e ankoroni kordonin e veglës në ndonjë
gjë në trupin tuaj ose në komponentë të
lëvizshëm. Ankorojeni kordonin e veglës në
një strukturë të fortë që mund t'u bëjë ballë
forcave të një vegle që bie.
4. Sigurohuni që kordoni të jetë siguruar mirë në
secilën anë përpara përdorimit.
5. Inspektojeni veglën dhe kordonin përpara çdo
përdorimi për dëmtime dhe për funksionimin
e rregullt (duke përfshirë copën dhe fijet e
qepjes). Mos e përdorni nëse është i dëmtuar
ose nuk funksionon në rregull.
6. Mos i mbështillni kordonët rrotull cepave të
mprehtë ose të ashpër, ose mos i lejoni të bien
në kontakt me to.
7. Shtrëngojeni anën tjetër të kordonit jashtë
zonës së punës në mënyrë që vegla të mbahet
në mënyrë të sigurt nëse bie.
8. Lidheni kordonin në mënyrë të tillë që vegla
të lëvizë larg nga operatori nëse bie. Veglat
që bien do të luhaten në kordon, gjë që mund të
shkaktojë lëndim ose humbje të ekuilibrit.
9. Mos e përdorni pranë pjesëve që lëvizin ose
makinerive që janë në punë. Në të kundërt,
mund të shkaktohet rrezik shtypjeje ose ngecjeje.
10. Mos e transportoni veglën nga pajisja e
bashkuar ose nga kordoni.
11. Transferojeni veglën nga njëra dorë në tjetrën
vetëm kur keni ekuilibrin e duhur.
12. Mos i bashkoni kordonët me veglën në mënyrë
të tillë që pengon funksionimin e mbrojtëseve,
çelësave ose zhbllokuesve.
13. Shmangni ngecjen nëpër kordon.
14. Mbajeni kordonin larg zonës së prerjes së
veglës.
15. Përdorni kllapa me shumë funksione dhe të
llojit me vidhosje. Mos përdorni kllapa me një
funksion dhe me kapëse.
16. Në rast se vegla rrëzohet, ajo duhet të
etiketohet dhe të hiqet nga shërbimi dhe duhet
të inspektohet nga një fabrikë ose qendër e
autorizuar shërbimi Makita.
► Fig.32: 1. Vrima për kordonin (rripi lidhës)
FUNKSIONI I AKTIVIZIMIT
TË LIDHJES ME VALË
Vetëm për DHS661
Çfarë mund të bëni me funksionin e
aktivizimit të lidhjes me valë
Funksioni i aktivizimit të lidhjes me valë mundëson
përdorim të pastër dhe të rehatshëm. Duke lidhur një
fshesë të mbështetur me korrent me veglën, mund ta
përdorni fshesën automatikisht bashkë me mekanizmin
e funksionimit të veglës.
► Fig.33
41 ALBANIAN