ResMed AirFit P10 User Manual page 59

ALMENNAR VIÐVARANIR
• Notendur sem eru ekki færir um að fjarlægja grímuna án aðstoðar
skulu nota grímuna undir eftirliti hæfs aðila. Það má vera að
gríman henti ekki einstaklingum sem hættir til að svelgjast á.
• Gæta verður að því að loftopið sé óstíflað.
• Einungis skal nota grímuna með CPAP-tæki eða tvístigatæki sem
læknir eða sérfræðingur í öndunarmeðferð mælir með.
• Grímuna skal ekki nota nema kveikt sé á búnaðinum. Þegar búið
er að koma grímunni fyrir skal ganga úr skugga um að tækið blási
lofti. Skýring: Ætlast er til þess að CPAP-tæki og tvístigatæki séu
notuð með sérstökum grímum (eða tengjum) sem eru með loftop
svo loft geti streymt samfellt út úr grímunni. Þegar kveikt er á
tækinu og það virkar rétt, ýtir nýtt loft úr tækinu út lofti sem er
andað frá sér út um loftgöt grímunnar. Þegar tækið er hins vegar
ekki í gangi, kemur ekki nægt ferskt loft í gegnum grímuna og
hægt er að anda aftur að sér lofti sem andað var frá sér.
Enduröndun á lofti sem andað var frá sér getur leitt til köfnunar ef
hún varir lengur en nokkrar mínútur. Þessi viðvörun á við flestar
gerðir af CPAP-tækjum eða tvístigatækjum.
• Fylgdu öllum varúðarráðstöfunum þegar viðbótarsúrefni er notað.
• Það verður að slökkva á súrefnisflæðinu þegar CPAP eða tveggja
þrepa búnaður er ekki í notkun svo að ónotað súrefni safnist ekki
fyrir innan í hólfinu í búnaði og valdi eldhættu.
• Súrefni er eldnærandi. Súrefnið má ekki nota á meðan reykt er
eða nærri opnum eldi. Aðeins skal nota súrefni í vel loftræstum
herbergjum.
• Við súrefnisgjöf á jöfnum hraða er styrkur súrefnis við innöndun
breytilegur, háð stillingum á þrýstingi, öndunarmynstri
sjúklingsins, grímu, notkunarstað og gastapi. Þessi viðvörun á við
flestar gerðir CPAP eða tvístigabúnaðar.Læknirinn fær senda
tækniforskrift grímunnar til að athuga hvort hún sé samrýmanleg
CPAP-tækinu eða tvístigatækinu. Ef farið er út fyrir tækniforskrift
grímunnar eða hún notuð með ósamrýmanlegum tækjum, þá er
hugsanlegt að gríman verði ekki nægilega þétt og þægileg, því má
vera að hámarksárangur náist ekki og að leki eða breytingar á
lekahraða, geti haft áhrif á virkni CPAP-tækisins eða
tvístigatækisins.
2