Shqip - Philips Sonicare AirFloss Ultra Manual

98

Shqip

Hyrje
Ju përgëzojmë për blerjen tuaj dhe mirë se vini në "Philips"! Për të
përfituar plotësisht nga mbështetja që ofron "Philips", regjistrojeni
produktin në www.philips.com/welcome.
Përdoreni "AirFloss" me shpëlarësin tuaj të preferuar të gojës si pjesë
e rutinës së kujdesit oral. Përveç larjes së dhëmbëve, "AirFloss"
ndihmon në reduktimin e pllakave mes dhëmbëve për të përmirësuar
shëndetin e mishrave të dhëmbëve.
Informacion i rëndësishëm sigurie
Lexojeni me kujdes këtë informacion të rëndësishëm përpara
përdorimit të pajisjes dhe ruajeni për referencë në të ardhmen.
Rrezik
- Mbajeni ngarkuesin larg ujit. Mos e vendosni dhe mos e ruani mbi
apo në afërsi të ujit në vaskë, legen, lavaman etj. Mos e zhytni
ngarkuesin në ujë apo lëngje të tjera. Pas pastrimit, sigurohuni që
ngarkuesi të jetë plotësisht i thatë përpara ta lidhni në prizë.
Paralajmërim
- Kordoni elektrik nuk mund të ndërrohet. Nëse kordoni elektrik
dëmtohet, hidheni ngarkuesin.
- Për të shmangur rrezikun, ndërrojeni gjithmonë ngarkuesin me një
ngarkues tjetër origjinal.
- Për të ringarkuar baterinë, përdorni vetëm ushqyesin e llojit
HX6100 që vjen me "AirFloss Ultra".
- Nëse ndonjë pjesë e pajisjes është e dëmtuar (grykëza, doreza
dhe/ose ngarkuesi i "AirFloss Ultra"), ndaloni përdorimin e saj.
- Pajisja nuk përmban pjesë të cilave mund t'u kryhet servisim. Nëse
pajisja dëmtohet, kontaktoni qendrën e kujdesit për klientin në
shtetin tuaj (shihni kapitullin "Garancia dhe mbështetja").
- Mos e përdorni ngarkuesin në ambiente të jashtme ose pranë
sipërfaqeve të nxehta.
- Kjo pajisje mund të përdoret nga fëmijë nga 8 vjeç e lart dhe nga
persona me aftësi të kufizuara fizike, ndijore ose mendore ose me
mungesë përvoje e njohurish, nëse janë nën mbikëqyrje. Pastrimi
dhe mirëmbajtja nga përdoruesi nuk duhet të bëhet nga fëmijët.
Shqip