Íslenska - IKEA UDDARP Manual

ÍSLENSKA
Öryggisleiðbeiningar
MIKILVÆGT AÐ LESA OG FARA EFTIR
Áður en tækið er notað skal lesa þessar
öryggisleiðbeiningar. Hafið þær við
höndina til að geta leitað í þær síðar meir.
Í þessum leiðbeiningum og á tækinu sjálfu
eru mikilvægar öryggisaðvaranir sem
notandi þarf að lesa og fara eftir í hvívetna.
Framleiðandi afsalar sér allri ábyrgð vegna
vanrækslu á því að fara eftir þessum
öryggisleiðbeiningum, óviðeigandi
notkunar tækisins eða rangra stillinga á
stjórnbúnaði.
Halda skal mjög ungum börnum (0-3
ára) fjarri tækinu. Ungum börnum (3-8 ára)
ætti að halda frá tækinu nema stöðugt
sé fylgst með þeim. Börn sem eru 8 ára
eða eldri og einstaklingar með minnkaða
líkamlega, skynjunarlega eða andlega
getu eða skort á reynslu og þekkingu
mega aðeins nota þetta tæki undir eftirliti
eða eftir að hafa fengið leiðbeiningar um
örugga notkun og skilja hætturnar sem
því fylgja. Börn mega ekki leika með tækið.
Börn mega ekki framkvæma hreinsun og
notendaviðhald án eftirlits.
Aldrei skal þvinga lúguna til að opnast né
heldur nota sem tröppu.
LEYFILEG NOTKUN
VARÚÐ: Tækið er ekki ætlað
til notkunar með utanaðkomandi
gangsetningarbúnaði, svo sem tímastilli
eða aðskildu fjarstýringarkerfi.
Þetta tæki er ætlað til notkunar á
heimilum og á svipuðum stöðum, svo
sem: í eldhúsi starfsfólks í verslunum,
á skrifstofum og öðrum vinnustöðum;
á sveitabæjum; af hálfu viðskiptavina á
hótelum, vegahótelum, gistiheimilum
og öðrum dvalarstöðum; í sameign
íbúðablokka eða þvottahúsum.
Hlaðið vélina ekki umfram hámarksgetu
(þyngd þurrs fatnaðar) sem gefin er til
kynna á töflunni.
Þetta tæki er ekki ætlað til notkunar í
iðnaði. Notið tækið ekki utandyra.
Notið engin leysiefni (t.d. terpentínu,
bensen), hreinsiefni sem innihalda
leysiefni, ræstiduft, glerhreinsivökva eða
almenn hreinsiefni eða eldfima vökva;
Ekki má þvo í þvottavél fataefni sem
meðhöndlað hefur verið með leysiefnum
eða eldfimum vökvum.
UPPSETNING
A.m.k. tveir aðilar eiga að meðhöndla
tækið og setja það upp vegna hættu á
meiðslum. Notið hlífðarhanska við að taka
úr pakkningum og setja upp - hætta á því
að skerast.
Ef koma á þurrkaranum fyrir ofan á
þvottavél skal fyrst hafa samband við
söluþjónustu eða söluaðila til að athuga
hvort þetta sé leyfilegt. Þetta er eingöngu
hægt að gera ef þurrkarinn er festur við
þvottavélina með hentugu stöflunarsetti
sem hægt er að nálgast í gegnum
söluþjónustu eða söluaðila.
Hreyfa skal þvottavélina með því að
halda utan um toppinn eða lokið án þess
að lyfta henni.
Aðeins hæfur tæknimaður má sjá um
uppsetningu tækisins, þ.m.t. vatnsinntak
(ef til staðar), raftengingar og viðgerðir.
Gerið ekki við eða skiptið út neinum
hluta tækisins nema það sé sérstaklega
tekið fram í notendahandbókinni. Haldið
börnum frá uppsetningarstaðnum.
Þegar umbúðir hafa verið teknar utan
af tækinu skal ganga úr skugga um að
það hafi ekki skemmst við flutningana. Ef
vandamál koma upp skal hafa samband
við næsta þjónustuaðila. Eftir uppsetningu
skal geyma pökkunarúrgang (plast,
frauðplast o.s.frv.) fjarri börnum - hætta á
köfnun. Nauðsynlegt er að aftengja tækið
frá rafveitu áður en það er sett upp vegna
hættu á raflosti. Í uppsetningu skal tryggja
að tækið skemmi ekki rafmagnssnúrur
vegna hættu á eldsvoða eða raflosti. Ekki
gangsetja tækið fyrr en uppsetningu er
lokið.
Ekki skal setja þvottavélina upp þar sem
eru slæm skilyrði svo sem: loftræsting er
léleg, hitastig er undir 5 °C eða yfir 35 °C.
Þegar tækið er sett upp skaltu ganga úr
skugga um að fæturnir fjórir séu stöðugir
og hvíli á gólfinu, stilltu þá eftir þörfum og
athugaðu með hallamáli hvort að tækið sé
alveg lárétt.
Ef tækið er sett upp á stað þar sem
viðargólf eða „fljótandi" gólf (sumar
tegundir parkets og samlímds gólfefnis)
er til staðar skal tryggja að 60 x 60 x 3 cm
krossviðarplata (í það minnsta) sé sett á
gólfið og tækinu komið fyrir ofan á henni.
Tengið vatnsslöngurnar við vatn í
samræmi við gildandi reglugerðir.
50