Íslenska - IKEA FORHOJA Manual

ÍSLENSKA 12
Meðhöndlun með viðarolíu
Búið er að olíubera borðið einu sinni í
verksmiðjunni. Glansandi bletti á yfirborðinu
má auðveldlega fjarlægja með grófari
hliðinni á hreingerningasvampi.
Til að borðið haldi sem best eiginleikum
sínum til að hrinda frá sér óhreinindum
þarf að pússa það með fínum sandpappír
nokkrum dögum eftir að það er sett saman.
Strjúkið eftir æðunum í viðnum. Strjúkið svo
allt ryk af borðinu og berið á þunnt lag af
BEHANDLA viðarolíu með pensli eða mjúkum
klút þar til viðurinn dregur ekki lengur í sig
olíuna. Gætið þess sérstaklega að bera vel
á borðendann, og berið á aðra umferð ef
þörf er á þar sem sprungur eiga það til að
myndast við endana. Berið ekki olíu neðan
á borðfæturna svo þær skilji ekki eftir sig
bletti.
Leyfið olíunni að síast inn í viðinn í 15-20
mínútur. Þurrkið þá restar af borðinu með
mjúkum klút. Eftir um það bil sólarhring,
þegar olían er þornuð þarf að pússa niður
allar ójöfnur eða grófa bletti með fínum
sandpappír. Berið svo aftur olíu á þegar
yfirborðið er orðið alveg slétt. Til að tryggja
að borðið haldi útliti sínu og eiginleikum
um árabil ætti að bera reglulega á það
BEHANDLA viðarolíu.
MIKILVÆGT! Þvoið notaða pensla vel og
leggið notaða klúta í vatn og hendið í
eldfasta ruslatunnu að lokinni notkun til að
koma í veg fyrir sjálfíkveikju.
Best er að nota rakan klút til að sinna
daglegum þrifum og strjúka svo yfir á eftir
með þurrum klút. Ef vökvi hellist niður á
borðið þarf að þurrka hann tafarlaust upp.
Ef vökvi liggur á olíubornu yfirborði um tíma
geta myndast blettir.