Lenovo Tab M8 Quick Start Manual page 164

Ofangreindar upplýsingar eru fyrir ESB-lönd og Bretland. Sjá upplýsingar
um studd tíðnisvið í öðrum löndum á vörunni sjálfri.
Raunveruleg SAR-gildi við notkun tækisins eru yfirleitt mun lægri en uppgefin
gildi. Það er vegna þess að afl tækisins minnkar sjálfkrafa þegar ekki þarf
fullt afl fyrir gagnatenginguna í þeim tilgangi að auka skilvirkni kerfisins og
lágmarka truflun á símkerfi. SAR-gildið er lægra þegar tækið notar minna afl.
Ef þú hefur áhuga á að draga meira úr RF þá getur þú auðveldlega gert það
með því að takmarka notkun eða einfaldlega með því að nota handfrjálsan
búnað til að halda tækinu í burtu frá höfði og líkama.
Varúðarráðstafanir við akstur. Ábyrgur og öruggur akstur er helsta ábyrgð
þín þegar þú ekur ökutæki. Farðu alltaf eftir innlendum lögum og reglum.
Flog, yfirlið, augnþreyta og óþægindi. Þetta tæki gæti sýnt blikkandi myndir
og gefið frá sér hávært hljóð.
Lækningatæki. Þetta tæki gæti haft truflandi áhrif á hjartagangráða og önnur
lækningatæki. Ráðfærðu þig við lækninn þinn og framleiðanda tækisins áður
en þú notar þetta snjalltæki ef þú ert með ígræddan hjartagangráð, hjartastilli
eða annað lækningatæki. Ef þú notar gangráð eða hjartastuðtæki er mælt
með því að þú veitir eftirfarandi varúðarráðstöfunum athygli:
Haltu þessu snjalltæki alltaf í að minnsta kosti 20 cm (8 tommu) fjarlægð
frá gangráðinum eða hjartastillinum. Notaðu snjalltækið á fjærhliðinin frá
gangráðinum eða hjartastillinum til að lágmarka möguleikann á truflunum.
Slökktu strax á tækinu ef þig grunar að það sé að valda truflunum.
Mikill hiti eða kuldi. Ekki nota tækið við hitastig undir 0°C eða yfir 40°C. Ekki
geyma tækið við hitastig undir -20°C eða yfir 60°C.
Viðvaranir fyrir notkun. Farðu eftir öllum uppsettum merkingum þegar tækið
er notað á opinberum stöðum.
Mögulega sprengifim svæði: mögulega sprengifim svæði eru oft, en ekki
alltaf, merkt og þau geta verið sprengisvæði, eldsneytisstöðvar, svæði
fyrir áfyllingu eldsneytis (svo sem neðan þilja á bátum), flutninga- eða
geymslusvæði fyrir eldsneyti eða íðefni eða svæði þar sem loftið inniheldur
íðefni eða agnir svo sem kornduft eða málmduft.
Slökktu á tækinu áður en þú ferð inn á þannig svæði og ekki hlaða rafhlöðuna. Á
slíkum svæðum getur orðið neistamyndun sem veldur sprengingu eða eldsvoða.
Sjúkrahús. Slökktu á þráðlausa tækinu þínu þegar beðið er um það á
sjúkrahúsum, heilsugæslum eða heilbrigðisstöðvum. Þessar beiðnir eru ætlaðar
til að koma í veg fyrir mögulegar truflanir á viðkvæmum lækningatækjum.
Flugvélar. Slökktu á þráðlausa tækinu þínu þegar starfsfólk á flugvöllum eða
flugþjónar biðja um það.
Ráðfærðu þig við flugþjóna um notkun á þráðlausum tækjum um borð í
flugvélinni. Ef hægt er að stilla tækið á „flugstillingu" verður að gera það áður
en gengið er um borð í flugvél.
162