PËRGATITJA
KUJDES
• Fikeni gjithmonë pajisjen përpara se të instaloni ose
hiqni kutinë e baterisë.
• Mbajeni pjesën e sipërme të pajisjes dhe kutinë e
baterisë kur vendosni ose hiqni kutinë e baterisë.
Moskryerja e këtij veprimi mund të bëjë që t’ju
rrëshqasin nga duart dhe shkaktojë dëmtim të pajisjes
dhe të kutisë së baterisë, si dhe lëndim personal.
• Gjithmonë vendoseni plotësisht kutinë e baterisë derisa
treguesi i kuq të mos duket. Në të kundërt, ajo mund
të bjerë aksidentalisht nga mbajtësi i baterisë duke ju
lënduar juve ose personin pranë jush.
• Mos e vendosni me forcë kutinë e baterisë. Nëse kutia
nuk hyn lehtë, nuk po e futni siç duhet.
• Vendoseni gjithmonë baterinë në folenë e duhur për
kutinë e baterisë që do të përdoret.
Nëse e përdorni pajisjen për herë të parë ose pas një
kohëruajtje të gjatë, kryeni hapat e mëposhtëm:
1. Hiqni të gjitha materialet e paketimit nga pajisja.
2. Pastroni pjesën e jashtme të pajisjes dhe lani të
gjitha pjesët e heqshme. (shihni pjesën “Pastrimi i
përditshëm” për pjesët e heqshme)
3. Për të pastruar çdo mbetje në pajisje, derdhni 240 ml
ujë të freskët në depozitën e ujit dhe filtroni pa kafe
ose kapsulë kafeje derisa të zbrazet depozita e ujit.
Përsërisni të njëjtin veprim të paktën dy herë. (shihni
pjesën “Filtrimi” për mënyrën e si të bëni filtrimin)
Vendosja ose heqja e kutisë së baterisë (Fig. B)
Për të vendosur kutinë e baterisë (17), rrëshqitni kapakun
e folesë së baterisë (16) për të hapur folenë e baterisë që
do të përdorni ((6) për kutinë e baterisë 18 V ose 14,4 V,
(5) për kutinë e baterisë 10,8 V - 12 V maks.). Bashkoni
gjuhëzën në kutinë e baterisë me kanalin e folesë dhe
rrëshqiteni për ta futur. Futeni deri në fund, derisa të
kërcasë dhe të bllokohet në vend. Nëse shikoni treguesin
e kuq (18) në anën e sipërme të butonit (19), ajo nuk
është e bllokuar plotësisht.
Për të hequr kutinë e baterisë, rrëshqiteni atë nga pajisja
ndërsa rrëshqisni butonin në pjesën e përparme të kutisë
së baterisë.
Sistemi i mbrojtjes së baterisë
Pajisja ka një sistem për mbrojtjen e baterisë. Ky sistem
ndërpret automatikisht energjinë në pajisje për të zgjatur
jetëgjatësinë e baterisë.
Pajisja do të ndalojë automatikisht gjatë punës nëse ajo
dhe/ose bateria janë vendosur sipas një prej kushteve të
mëposhtme:
• Mbinxehur:
Nëse pajisja nuk ndizet, bateria është mbinxehur. Në
këtë situatë, lëreni baterinë të ftohet përpara se ta
shtypni përsëri çelësin e ndezjes.
• Tension i ulët i baterisë:
Nëse kapaciteti i mbetur i baterisë është shumë i
ulët, pajisja nuk do të punojë. Llamba e energjisë
pulson në këtë rast. Hiqni dhe ngarkoni përsëri
baterinë.
SHËNIM
• Mbrojtja kundër mbinxehjes funksionon vetëm me një
kuti baterie me shenjë ylli (Fig. J).
Page 62